Ali.Basrwy

⚠️ أحذروا شركة كراون رانش Crown Ranch ⚠️

تدعي هذا الشركة إنها شركة دنماركية لتربية الأبقار ، لكنها في حقيقة الأمر أنها للنصب والأحتيال

الموضوع بدأ بهاي السنة وهو عبارة عن رابط تدخل له من اي متصفح عبر الانترنت ويعرضون عليك تشتري عجل الكتروني ب100$ مثلاً أو 300$ وتطعمه عن طريق مشاهدة الاعلانات والارباح اليومية 5$

ببداية الموضوع راح تحصل إرباح اللي هي جزء من فلوس اشتراكك وراح يضيفونك بكروبات خاصة بالشركة ويطلبون منك تصور ارباحك وتدزها بالكروبات وبهاي الكروبات ما تشوف بس الناس التربح ، ورة اسبوع يطلعونك من الكروبات ويقفلون حسابك حتى ما تكدر تسحب ارباحك ويجبرونك تجيب ناس او يحذفون حسابك ، يعني يتعاملون بالتسلسل الهرمي راح يتغير كل اسلوبهم وياك وما راح يردون عليك لأن اخذوا فلوسك وهذا كل همهم

دلائل تبين هاي الشركة وهمية : 1: لا توجد اي معلومات عن هذا الشركة بمحركات البحث گوگل 2: كل هم الشركة زيادة المشتركين وما راح تشوف اي شي يخص الأبقار 3: ما تكدر تتحكم بحسابك ويكدرون يقفلونه بإي وقت هم يردون 4: الرابط فقط متاح بالعراق لأن ماكو رقابة

شركة تقفيص بأمتياز ☠️

⛔️الموضوع خطير شارك المنشور للفائدة ، آلاف من ضحايا الأحتيال يومياً ، وأموال كثيرة تصادر للخارج⛔️