بداح الشويب

يالله عسى من طاح يلقى منكبي

لا دارت الدنيا و جت مصايبه

مانعرف اللي جاي والا المختبي

أعروقنا من المصايب ذايبه ،

اللي أطوّف له ،،، وناره بحطبي

يمكن احبه ( من محبة شايبه )

لا اخطيت ماني لا رسول ولّا نبي

والحاضره سدْت مكان الغايبه ،،

يا وقت لا عرّضت وجهي وشنبي

داخل على الله من وجيهٍ خايبه

اللي خسرته ما خسرته بسببي

ماطاب من عاش الحياه السايبه

لو ضاع بك ياليل جهدي وتعبّي

نفسي عن دروب الليالي تايبه ،،

امسيت ناسي ما عرفت اللي ابي

واصبحت من نفسي ونفسي طايبه

المكتفي له في ثلاثه ،، والصبي

انا عرفته ( واعرف اللي صايبه )

اعقول خلق الله مايدري وش تبي !

الناس صارت من بعضْها هايبه ،،

#بداح_الشويب